تضيق وامـد النـظر للسمـا فــوق
واهيـم بين أفـلاكها يمكن ألـقـاك
لا انته عرفت اللي بلاني من الشوق
ولا السما تاسعها وش قد انا أهواك
ســألت من سـواك يا أعـز مخـلـوق
نص اللي في صدري من العشق يبلاك
وان كان حبك عـوق انا راضي العوق
دامي عجزت ألقالي محبوب يسواك
ولهان وإن داريت يفضحني المـوق
واحشني كلك إنت وعيوبك أفداك
لين إمتليت امن الولَه قلب وعروق
والأرض ما شالت أحاسيس مضناك
إن كان بعدك حلم صحـيني وافوق
وإن كان بـه غيري أحد كيف نساك
حب أبد ما حبـه عاشـق لـمعشـوق
و رمز اللي لين اليوم قلبه إيـتحراك
تدري كثر ماني من البعـد مخنـوق
عندي أمل ترجع لي وأرجع لدنياك
ما حد كثـري لك في هالعام ايـلوق
ولا تدورمـا حـد كثـري يـهـواك
