بيني وبينك بقيت تعبان لكن ساكت
وبين مرتاح وبين زعلان ببان ثابت
وعلشان عيب اقول مليت
بحاول ابقي ضهر وبيت
مسكت ف ناس كتير بعدت اوام سابت
ماشي يا ليل طويل مابيفوت
انا اهو بنادي ليه مفيش صوت
وحدي وانا راضي بس انا بموت
وفيا حجات بتقتلني
لسه جوايا ذكري بتعود
عشت انا عليها صرت جبروت
كل ما افتكرها ببقي موعود
بهم بالعني وكاسرني
دنيا دواره مكسب وخساره
وأنا علي طول تملي خسران
مهما بتداري حزني بيجيني
مفتكرش مره كسبت رهان
حالي انا لحالي و ميت كابوس جالي
شارب الهم خام وخلصان
بمشي اجباري
وانتي سبتيني
مش كنتي قلتيلي
مش كنتي عرفتيني انك هتروحي
وتسيبيني ليه قلتيلي انه عيبي
كنتي عرفيني
كنت غالي ورخصتيني
ع العموم هسأليني لما صدفه هتشوفيني
ومش هرد انتي هتغيبي
وقتي زمان مكنش بفلوس
وقتي الان مهم مدروس
ياما ضيعت كنت منحوس
وكنت ساعتها مش فاهم
دنيا ادتني حصه ودروس
طنشتها كأني ملبوس
ماشيه الدايره رافعه ف حظوظ
وحظي انا عشت فيه واهم
يابخت معايا ليه بوخت خلتني
قافل علي نفسي اوضتي بعدت ويارتني
ماكنت سمعت للاحزان
قفلت بيبان كسرت بيبان
بلطش وجعي ب الالوان
فابتزيدني
هم كسور فقلبي بتدور
وفدوامه ببكي مقهور
ولا حصلت ابقي مشهور
كل مابهد طوبه اشوف سور
