انا البطل يا وحوش
بسمع ومشوفلكوش
قاعدين يحوموا حواليا
ولسه برده مجوش
استر يارب وحوش
دول ناس ميتعاشروش
قلوبهم فيها سواد
مرسومه علي الوشوش
سمعت ف نشره الاخبار عن مرض اسمه الصفار
مش لاقينله علاج استرها يا ستار
الناس مريضه بيه ومفيش طبيب يداويه
واللي يسلم علي واحد ف ثانيه يابا يعديه
وعاملين فيا بيحبوني وهما بيكرهوني
بيقولو عني حجات عادي عادي ولا يشغلوني
انا كنت بتسلي ورميتكو ف السله
متعملوش فيها ليكو قيمه وانتو كلاب ضاله
بيت الاصول اتهان مفهوش ياناس سكان
واللي يفكر يجي يأجر يقلولو مسكون جان
انا المعلم بس
كاتم علي الانفاس
رقم واحد ف الشغله
مش عاوز اسمع حس
امنو المداخل انا جيت
حاطط على الهلافيت
البابا بيقلهالكم
متخرجوش م البيت
علي كوكب الروقان قاعد هناك متهني
ولا فارقه بني ادمين ولا حد يابا يشغلني
ويا حظ افتحلي بابك واضحكلي لو يومين
ولا انت يعني جنابك شغال مع التانين
طب عم عشم مات وقانوني خود وهات
بالحب دي معنديش يا معرفة صالونات
حاطط على الاخصام
صاحيلكو ومش بنام
تتقارنو بيا ازاي
دا يبقي ف الاحلام
انا ف مجالي شيطان
فارس من الفرسان
سالك وابن حلال
ومليش انا ف العوجان
