كاس الوجع
أنا أكتر حد داق منه
وأول حد قدمهولي
اللي أنا كنت بامن له
زرعت خير فدادين
في أرض ناس خاينين
واللي جنيته يا ناس
كوم قش فيه تعابين
مديت ايدي اتعضيت
يا ريتني ما مديت
كل اللي كانوا جنبي
أنا منهم اتأذيت
ويا دنيا لفي لفي
وريني مين في صفي
غربل يا غربال
نضّف حياتي يلا وفلتر الأندال
عشان خلاص هصفي
بطلت الحنية
أنا قلبي مات خلاص
صبولي وجعي بكاس
ولا شفت يوم إخلاص
والعالم المفترية
خلوني كرهت الناس
عمري اتسرق مني
وأنا لسه في العشرين
ما اعرفش إيه حصل لي
كل البشر خاينين
أنا كنت وردة بيضاء
حواليا قلوب مريضة
وعشان أنا كنت صافية
مسحوني من الخريطة
يا مركبي خدني بعيد
واديني أي مكان
أبعد عن البشرية
وأخذ لي هدنة شوية
تعبت خلاص كفاية
ما تورينيش إنسان
ويا دنيا لفي لفي
وريني مين في صفي
غربل يا غربال
نضف حياتي يلا وفلتر الأندال
عشان خلاص هصفي
