كيف أبين لك شعوري دون ما أحكي
خابرك لماح لكن مالمحته
لاتغرك كثرة مزوحي وضحكي
والله إن قلبي لـغيرك مافتحته
ألف مرة جيت لك شايل شعوري
وأرجع بنفس الشعور وماشرحته
ياكثر ماقلت عادي مو ضروري
لو جمعت الشوق فيني أو طرحته
كل يوم أكتب لك أكثر من رسالة
وألقى كل اللي كتبته لك مسحته
خايف إنك تترك العاشق لحاله
تجرح اللي طول عمرك ماجرحته
راح أعيشك حـب مابيني وبيني
والطريق اللي مشيته ما استرحته
بس لو جاء يوم وايدينك بإيديني
ما بيبقى سر فيني مافضحته
