عادت طيوفك تراودني على مسحوبي
و الشعر من ينزفه ماهو مثل من قاله
لا تبكيك العيون الي تلافت صوبي
فدوة عيونك من يغنيه و يغنا له
ليه مالين مشاريهي معك و أسلوبي
لا انثنى عودك وانا بينه و بين ظلاله
ماتركتك للزمان الصلف يا محبوبي
لو عذابك مستمر و نعمتك زواله
غن لي يمك دروبي لين اشوف دروبي
و لك علي أمهد لك الوادي و ازيح جباله
أنت يادوبك تذكرني و أنا يادوبي
أتصبر دون ذيك البسمة المختاله
كيف صرت ادله الغاوين عن عذروبي
بعد كنت ادله المنتوق عن سلساله
كثر ماداري عيوبي كنت ازيد عيوبي
و كثر ماداريك كنت الطعنة القتاله
لي سنة و السهر زادي و التوجد ثوبي
و اعذاب الي يشيل الأرض ماتشتاله
لا تهجى الشوق في وجهي ولا مكتوبي
دام خطواتي خفاف و عبرتي مياله
من تولع فيك يفقد صبره الأيوبي
لا الوصال مطمنه و لا الفراق اشواله
