بعمل معاكو البدع
ولا فارقه ماديه
مش ذنبى أن انا جدع
وحاسبها اخويه
اهرب لفين من طمع
كل اللى حواليا
شايف معاملة جشع
انا مين سالك ليا
جدعنتى بح انسوها
وادى دقنى لو شوفتوها
على حد تانى ارموها
متجوش لا تاخدو العالى
بطلت حب ياخال
بعد اما جبت عيال
انا مخى لو شغال
مكنش دا يبقا حالى
من طيبتى كنت فاكركو
طلعتو اتاريكو
شكرا وصل تقديركو
افخم مسا عليكو
على كتفى كنت شايلكو
وياريت طمر فيكو
انا مش هعانى من غيركو
مش واقفه بعديكو
لو شفتو اجدع منى
دا هيبقا واقع منى
انا كلو سامع عنى
بالحب والتقدير
سيبو الأصول لصحابها
من امتى تعرفو بابها
انا لما بقصف جابها
وش التخين بيطير
كاتم كتير جوايا
من قلبى بتألم
دانتو حكايتكو حكايه
مش عايز اتكلم
مبقتش فارقه معايا
فى عنيا بتضلم
راح اللى راح وفدايا
واهو برضو بتعلم
العيب مايبقاش عيب
بالذات من أهل العيب
برضو الكلام فى الغيب
لامؤخذه قلة قيمه
ليك شوق فى حاجه تعالالى
بينى وبينك قولهالى
على ايه مبندهالى
وعامل شجيع السيما
يامراكب الأحزان
فين بس وخدانى
انا من زمان تعبان
مش حمل قسا تانى
وشى الباشوش باهتان
والضحكه خاينانى
بضحك لكن زعلان
١٠٠ حاجه وجعانى
انا طول ما فيا الروح
مع اى حد هروح
يلا الطريق مفتوح
والشاطر اللى يودى
فايق لأى عويل
من نحية التغفيل
لسه اللى جاى تقيل
بسهوله مش هتعدى
كان نفسي فيكي يا أصول
دورت مش لاقى
انا قلبى مات مقتول
على حد مش باقي
وعشان سالك علطول
غرتكوا اخلاقي
هتشوفوا واحد غول
انا قد اعدائى
على كل لون اتنين
ثابت ولا اتهزيت
انا كنت بس بقيت
احكيلى عن نفسك
ياللى انت جاى ف سيط
يابنى امشى جمب الحيط
اصلك ف نظري عبيط
سايبك تشوف نفسك
