قوليلي يا مرايا مين لسه معايا
مين صافي النوايا ولا كله غش
بيبان الحب قافله والصحاب بقت في غفله
والغدر حاجه سهله ومتاح في الوش
يلا يا دنيا هاتي الوجع من ذكرياتي
حطيه في شريط حياتي وقوليلي معلش
مش عايز ايد تطبطب ولا حد مني يقرب
كده كده انا متغرب ما انا ما بأمنش
لا يا دنيا مش غريبه كل يوم ادفع ضريبه
والخساره لو قريبه احلى من مكسب بعيد
مش هميز حد تاني هوزن الكل بميزاني
من النهارده هعيش علشاني واللي جاي بقا خير
اخدوا الحلو اللي فيا واتردلي اذيه
وانا كنت مصفي النيه اتاريها ما جابتش
كله في وشي بيضحك ومافيش واحد بيسلك
ناس عاوزه بس تاكلك بس انا ما بتاكلش
يا ربي ما تشمتش العيون اللي ما بتهمدشي
واللي بتحسدني في وشي استرها يا رب
مانا عايش جوه قارب حوالين مني عقارب
ليل نهار عمال بحارب برضو مابسلمش
انا تايه مش لاقيني مرسى وحد يتاويني
اه من اللي شفته بعيني والله ما بنامش
يا مركب الصحاب اكتبيني غياب
ده السلكان عامل اضراب والحب ما بيدومش
طب اللي سابني بكره يندم لو هيرجع يبقى بيحلم
عين بعين والبادي أظلم وماضيكو انا هنساه
والبقاء لله يا قلبي عالناس اللي كانوا جنبي
دول خلوا شرقي غربي منهم لله
