معقول بتموت
أومال فين صورك فين ضحكك اختفوا ليه
واصحابك واللمّه الحلوه جرى فيهم ايه
معقول ندمان أو مش مبسوط
معقول بتموت
راحت فين القسوه عليا والجبروت
الكون فيه حاجه كدا اختلت مش مضبوط
عِندك راح فين راح فين الصوت
احنا فضناها
والدموع دى احنا نسيناها
والندم والاعتذار والحاجات دي بجد ماتنفعنيش
سكتك مواجع
واللى رايح فيها راجع
أى كدب وكدابين بره من دلوقتى مايلزمونيش
اتفضل قوم
دور ف وشوش الناس عنى وابتدى ضيع
حاول واقعد كلم فيا بالأسابيع
شوفنى ف أحلام واقلق م النوم
اتفضل قوم
ولا اشوفك صدفه انا ف نهارى ولا ب الليل
ولا تيجى بجد تدمعلى ولا تمثيل
إيه كلامى غريب أو مش مفهوم
