اخيرا جاد حظي بك اخيرا جاد بك حظي
وردت روحي لروحي وقلبي رد له نبضه
لقيتك بعد ما قد كان بعضي فاقد بعضي
الا يا كبر حظي بك وقلبي يا كبر حظه
انا قبلك مثل طير تعلق بالسما نبضي
وعلمه العطش ان الزلال العذب في ارضه
ولا غيرك يا محبوبي بيروي بالغلا ارضي
وعشقك مالي كوني وحبك فارض فرضه
ابي تكتب حكاية عشقنا البيضا وانا بامضي
وابصم بعد بالعشره مادام الحال من بعضه
تسابقني مشاعر قلب في درب العشق يمضي
يا ضي العين خذ بايده معاك عيونه مغمضه
جمالك مالٍ عيني يا اطيب قلب يا حظي
اغض الطرف عن غيرك دخيلك كيف ما غضه!
ذهب حبك يخلي حب غيرك يالغلا فضي
ومن يلقى الذهب ما عاد تغري عينه الفضه
