كل مانويت ابعد و افارق عيونك
وافكر بـ طاري فراقك و غيبه
اقول ماتسوى حياتي بدونك
واحس ربي لك خلقني حبيبه
انا الحبيب اللي يحبك يصونك
وانا اللي لو تبغى وتطلب اجيبه
انا تركت اللي يبوني و يبونك
وماهي على مثلي ومثلك غريبه
انا فدا خوفك علي و جنونك
وقلبا روا قلبي بحنانه وطيبة
شفني سند ببقى يمينك وعونك
انا معك دايم وروحي قريبة
وعدت انا نفسي ماخيب ظنونك
يا الأقرب لقلبي وأول نصيبة
وتدري ولا تسوا حياتي بدونك
وهذا انا ربي كتبني لك حبيبه
